Хайх

“Astroworld”: Трэвис Скоттын нэрэмжит хип-хоп хөгжмийн фестивалийн эргэн тойронд

“Astroworld”: Трэвис Скоттын нэрэмжит хип-хоп хөгжмийн фестивалийн эргэн тойронд

Text: Бюро 24/7


Зураг: Hypebeast

Өнгөрөгч ням гаригт буюу арваннэгдүгээр сарын 18-нд рэппер Трэвис Скотт Техас мужийн Хьюстон хотноо "Astroworld" хип хоп хөгжмийн наадмаа амжилттай зохион байгууллаа. Анхны жилдээ зохион байгуулагдаж буй энэхүү наадамд 40 мянга гаруй залуус оролцсон ба цаашид жил бүр зохион байгуулагдана гэдгийг фестивалийн сайт дээр онцолжээ.

Astroworld наадамд Post Malone, Rae Sremmurd, Sheck Wes, Young Thug зэрэг залуу рэпперүүд, домогт Slim Thug, Paul Wall, Bun B нар уран бүтээлээ толилуулсан бол, загвар зохион бүтээгч Виржил Абло DJ сетээ тавьсан юм. Түүнчлэн Astroworld-ийн багт наадам маягийн уур амьсгал, гэрлэн чимэглэл, инсталляцуудыг дурдахгүй өнгөрч болохгүй билээ. Тухайлбал фестивалийн төв хаалгыг Трэвис Скоттын "Astroworld" цомгийн нүүр хуудасны зургаас сэдэвлэн бүтээсэн бол, төв талбайд алсыг харагч, галзуу хулгана зэргийг байрлуулжээ.

Хьюстон хот бол Трэвис Скоттын төрөлх газар төдийгүй энэ хотоос олон алдартай хип-хоп уран бүтээлчид төрсөн байдаг. Олон улсын хөгжмийн хэвлэлүүдэд Astroworld наадам нь хип-хоп хөгжмийн болон Хьюстон хотын хөгжилд үнэтэй хувь нэмэр оруулах магадлалтай хэмээн тэмдэглээд байна. Түүнчлэн Трэвис Скотт АНУ-ын конгрессийн сонгуульд идэвхтэй оролцож, саналаа өгсөн залууст Astroworld наадамд үнэгүй орох эрх олгосон нь түүний нэр хүндэд сайнаар нөлөөлжээ.

 

 

 

Сэтгэгдэл бичих