Хайх

Ойроос харцгаая: Chanel Couture, хавар-зун 2019

Ойроос харцгаая: Chanel Couture, хавар-зун 2019

Гар урлалын гайхамшиг

Text: Бюро 24/7


Өчигдөр Парис хотноо Chanel брэндийн кутюр цуглуулгын загварын шоу болж өнгөрлөө. Цуглуулгад маш нарийн ажиллагаа шаардагдсан торон хатгамалтай даашинзууд, цэцгэн чимэглэлтэй загварууд, төрөл бүрийн солонгорсон өнгө бүхий өдтэй нөмрөгүүд багтсан байлаа. Мөн өдөөр чимэглэсэн пиджак болон хослолууд, брэндийн нэрийн хуудас болсон твид материалтай юбка ба хүрэмнүүд тайзнаа гарлаа. Тэр дундаас хамгийн их анхаарал татсан, сонирхолтой загвар нь гялалзсан боди ба гивлүүрээс бүрдсэн этгээд "хуримын" өмсгөл байсан юм. Харин загварын шоуны төгсгөлд хүн бүр домогт Карл Лагерфельдийг үзэгчидтэйгээ мэндлэхийг хүлээж байсан ч түүний оронд Chanel-д ажилладаг туслах дизайнер Виржини Виар гарч ирсэн нь шоуны онцлох үйл явдлуудын нэг боллоо. Гэхдээ Chanel брэндийн төлөөлөгчийн мэдэгдсэнээр санаа зовних асуудал огтхон ч байхгүй бөгөөд тухайн үед Карл Лагерфельдийн бие тавгүйрхсэн тул өөр дизайнер түүнийг түр хугацаанд орложээ.

Кутюр цуглуулгыг илүү ойроос ажиглавал Chanel ордны мэргэжилтнүүдийн нарийн гар ажиллагаа таныг гайхшруулах болно.

Төстэй нийтлэлүүд

Buro 24/7-гийн сонголт

Сэтгэгдэл бичих