Givenchy-гийн “Египет” цуглуулгын сурталчилгаа
Намар-өвөл 2016
Рикардо Тишигийн намрын цуглуулга Эртний Египетийн уур амьсгал агуулж байсан ч дизайнер сурталчилгааны зураг авалтаа Нью-Йоркийн энгийн нэгэн гудамжинд хийжээ
Givenchy-гийн намрын сурталчилгааны тизер зураг энэ сарын эхэн өдрүүдэд олонд дэлгэгдээд амжсан. Тэр үед мөн брэндийн албан ёсны төлөөлөгчдийн эгнээнд модель Белла Хадид нэгдсэн талаарх мэдээ олон нийтийн сүлжээгээр цацагдсан юм. Харин одоо бид сурталчилгааны бүрэн хувилбарыг та бүхэнд хүргэж байна. Зөвхөн гэрэл зургууд гэлтгүй, мөн богино хэмжээний бичлэгээс бүрдсэн сурталчилгаанд маш олон тооны моделиуд нэгэн зэрэг оролцсон байна. Сурталчилгааг Mert & Marcus хос гэрэл зурагчид авч, харин загвар өмсөгчдийн хувцаслалтыг алдарт Карин Ройтфельд хариуцжээ.
