#MNTM: Ээж, охин хоёрын уулзсан сэтгэл хөдөлгөм мөч

Эх хүний сэтгэл гэдэг энэ хорвоогийн хамгийн цаглашгүй хүчийг агуулсан ариун нандин зүйл юм. Тийм ч учраас Mongolia's Next Top Model реалити шоу нэвтрүүлгийн продюсерууд найм дах дугаарт оролцогч охидын сэтгэлийн галыг асааж, тэдэнд эрч хүч нэмэхээр ээжтэйгээ хамт каталогины зураг авахуулах сорил бэлдсэн байлаа. Энэ үйл явдал Mongolia's Next Top Model нэвтрүүлэгт оролцогч охидод хамгийн том сюрприз болсон гэдэгт итгэлтэй байна.

Г.Ижилцэцэгийн ээж энэхүү сорилд оролцохын тулд Замын-Үүдээс Улаанбаатар хот орох галт тэргэнд яаран сууж ирсэн бол М.Анхбаярын ээж охинтойгоо уулзаагүй удсаны дараа эргэн учирсан мөч тохиосон юм. Хүн бүхний амьдралд санаанд оромгүй түүх, эмзэг хөндүүр сэдэв байдаг. М.Анхбаярын хувьд эмээ, өвөөтэйгээ өсч, ээжээсээ хол өссөн тул энэ сорил илүү хүнд болсон байж мэдэх юм.

Sisley брэндийн сурталчилгааны зураг авалтанд оролцсон загвар өмсөгч охид бүгд ээжтэйгээ гайхалтай адилхан байлаа. Mongolia's Next Top Model тэмцээн эхэлснээс хойш бид бүгдээрээ загвар өмсөгч охидын гоо үзэсгэлэн, өөртөө итгэлтэй байдал, ухаалаг хэрсүү яриа гээд олон сайхан зүйлсийг үзсэн шүү дээ. Харин тэднийг хорвоод төрүүлж, ухааныг нь урлаж өсгөсөн ээж нарыг охидтой нь хамт харах үнэхээр гайхалтай байлаа.    

М.Анхбаяр

Ю.Балжидмаа

Г.Ижилцэцэг

Ш.Мандхай

Э.Оюунбилэг

Т.Сарангэрэл

Б.Цэрэндолгор

Б.Бат-Оюун

Т.Номин-Эрдэнэ