Хайх

Playtime 2019: Street Style. Хоёрдугаар хэсэг

Playtime 2019: Street Style. Хоёрдугаар хэсэг

Хоёр дах өдөр

Text: Ө.Тодгэрэл


Playtime 2019 наадам үргэлжилсээр. Бюро 24/7 хоёр дахь өдрийн Street style сурвалжилгыг хүргэж байна

Хөгжимд хайртай хэн бүхэн яг одоо Монгол Шилтгээнд цуглаад байна. Түр ч болов хугацаанд өдөр тутмын амьдралаас холдож эерэг энергиэр цэнэглэгдсэн, урлагаар амьсгалсан "өөр" ертөнцөд хүрэлцэн ирээд байгаа залуус арга хэмжээг хүндэтгэн дор бүрдээ дахин давтагдашгүй, онцгой төрх бүрдүүлжээ. Хэрвээ өмнөх жилүүдэд хөгжмийн фестивалийн дресс-кодыг цэцгэн титэм, дэгээ зүүгээр нэхсэн нөмрөг зэрэг богемын аястай трендүүдээр тодорхойлдог байсан бол энэ жил тэс ондоо дүр зураглал харагдаж байна.

Монгол Шилтгээний босгыг давмагц неон оруулгатай спорт хувцаснууд, цэргийн аястай карго өмднүүд, загасчны уур амьсгалтай хантааз ба панама малгайнууд, tie-dye хээтэй загварууд гээд илүү практикт ойр, биед эвтэйхэн төрхүүд ажиглагдах болно. Эдгээр нь мэдэж энэ жилийн гол трендүүд хэдий ч орчин үед залуус илүү эрх чөлөөтэй болж, хэт хээнцэр байдлаас татгалзан энгийн зүйлс руу тэмүүлэх болсныг давхар илтгэх биз ээ.

Харин хөтөлбөрийн хувьд өнөөдөр Ice Top, Nisvanis, Camerton зэрэг бид бүгдийн хайртай хамтлагууд сэтгэлд хоногшсон сонгодог бүтээлүүдээрээ үзэгчдийг уярааж Wondha Mountain, Magnolian зэрэг залуу үеийн уран бүтээлчид хөгжмийн ертөнц дахь шинэ давлагааг мэдрүүллээ. Ингээд өөрийн гэсэн соёлыг бий болгож, дотоодын дизайнеруудаа дэмжиж, хамтдаа урлагийг мэдэрч чаддаг Монгол залуусынхаа street style төрхүүдийг харцгаая.

 

 

Төстэй нийтлэлүүд

Buro 24/7-гийн сонголт

цааш үзэх