Дотроос нь харцгаая: Adidas компанийн Герман дахь шинэ оффис
"ARENA"
Adidas компани Германы Херцогенаурах хот дахь шинэ оффисоо танилцууллаа. 52 мянган м.кв талбайтай, 2000 ажилчинд зориулсан "ARENA" хэмээн нэрлэсэн шинэ оффисын зураг төслийг Германы Behnisch Architekten компани гаргажээ. Adidas компани шинэ оффисын барилгаараа спортлог байдлыг харуулахыг зорьсон ба экстерьерийн дизайныг пүүзний ул хэсгээс бүтээлч сэдэл аван гаргасан байна. Харин дотоод заслыг ажилчид хоорондын харилцаа холбоог дэмжих, тэдний ажилд урам зориг өгөхүйц нээлттэй байдлаар загварчилжээ. "ARENA" оффисын нээлт өнгөрөгч долоо хоногт компанийн 70 жилийн ойн баярын өдрөөр нээлтээ хийсэн байна. Нээлтэд брэндийн нүүр царай болох Стэн Смит, Фаррелл Уильямс нар оролцжээ.
