Хайх

Олон улсын дизайны тэмцээнд шилдгээр шалгарсан орон сууцны интерьер

Олон улсын дизайны тэмцээнд шилдгээр шалгарсан орон сууцны интерьер

Японы ваби-саби зарчмаар хийгдсэн интерьер дизайн

Text: Бюро 24/7


Украины Sergey Makhno Architects студийн боловсруулсан интерьер дизайн олон улсын The Architecture MasterPrize тэмцээнд шилдгээр шалгаран шагнал хүртжээ. Японы ваби-саби стилиэр хийгдсэн энэхүү интерьер нь тэмцээний "Орон сууц" төрөлд ялалт байгуулсан юм. Шүүгчдийн бүрэлдэхүүнд дизайны салбартаа тэргүүлэгч Dezeen ба Designboom хэвлэлүүдийн төлөөлөгчид, Лондонгийн их сургууль, Бирмингемийн их сургууль, Йельсийн их сургууль болон Принстоны их сургуулийн профессорууд багтжээ.



Уг төсөл нь материалуудаа эко маягаар ашиглаж, дизайнаа урлагтай холбож өгсний ачаар ийнхүү өндөр үнэлгээ авсан байна. "Энэ төсөлд би Японы ваби-саби философи, Украины ёс заншил, орчин үеийн урлаг болоод гэр бүлийн тав тухтай орчныг нэгтгэж өгсөн. Эхнэр маань анх газар доорх нүх шиг байшинд амьдрахгүй хэмээн уйлах үе байсан ч хамтдаа зориглоод ямар нэгэн шинэлэг зүйл бүтээх гэж оролддогт нь үргэлж талархдаг шүү" хэмээн төслийн удирдагч, тус орон сууцны эзэн, архитектор Сергей Махно ярьжээ.

Ваби-саби бол Буддын шашны сургаалаас үүдэлтэй философи бөгөөд төгс бус байдалтай зохицож, бүх зүйл тур зуурын гэдгийг хүлээн зөвшөөрөхөд оршино. Энэ үзэл нь мөн байгалийн элементүүдийг онцолдог байгаа.

Төстэй нийтлэлүүд

Buro 24/7-гийн сонголт

цааш үзэх