Zaha Hadid Architects-ийн шинэ төсөл: Дубай дахь футурист хэв маягтай зочид буудал

Zaha Hadid Architects компани Арабын Нэгдсэн Эмират улсын Дубай хотод хэрэгжүүлж буй "Opus" хэмээх цоо шинэ бүтээн байгуулалтаа танилцууллаа. Хоёр хэсэгт хуваагдсан "Opus" цамхаг нь хоорондоо шилэн гүүрээр холбогдох ба холоос ажиглавал шоог голоор нь нүхэлж цоолсон мэт харагдана. Түүнчлэн нийт 84 мянган м.кв талбай бүхий 19 давхар "Opus" цамхагт оффис, ресторан, клуб болон дэлхийн алдартай сүлжээ зочид буудал болох ME by Meliá байрлах ажээ. Харин дотоод заслыг футуристик, нэн орчин үеийн хэв маягаар тохижуулсан байна. "Opus" цамхаг 2019 оны сүүлээр ашиглалтад орохоор төлөвлөгдөөд байгаа юм.

• 01
• /
• 10