Нью-Йорк хотноо Коко Роша, Жоржия Мэй Жаггер нар хорт хавдрын эсрэг нэгдлээ
Delete Blood Cancer DKMS хандивын арга хэмжээнд
Хорт хавдрын эсрэг тэмцэлд олон нийтийг татан оролцуулах зорилгоор жил бүр зохион байгуулагддаг Delete Blood Cancer DKMS хандивын арга хэмжээ өнгөрсөн долоо хоногт Нью-Йорк хотноо боллоо. Энэхүү арга хэмжээнд олон алдартнууд хорт хавдартай тэмцэхэд хувь нэмрээ оруулахаар хүрэлцэн ирсэн байна
DKMS хандивын байгууллага нь цусны хорт хавдрын эсрэг судалгааны төвүүдэд тусламж үзүүлж, санхүүжилт босгоход нь тусладаг юм. Тус санг анх Катарина Харф гэх эмэгтэй үүсгэн байгуулсан бөгөөд тэрээр ээжийгээ энэ өвчний улмаас алдсан хүн юм. Тиймээс тэрээр цусны хорт хавдрын эсрэг тэмцэлд сэтгэлээ зориулж, олон алдартнуудыг үйл ажиллагаандаа татан оролцуулдаг байна. Энэ жилийн хандив босгох арга хэмжээний оройн зоогт Катарина Харфын урилгаар Жоржия Мэй Жаггер, Коко Роша, Оливия Калпо, Вера Ванг болон бусад зочид хүрэлцэн иржээ.
