Хайх

DAMIANI брэндийн хүмүүнлэг хатагтай шалгаруулах ёслол болж өнгөрлөө

DAMIANI брэндийн хүмүүнлэг хатагтай шалгаруулах ёслол болж өнгөрлөө

Онцлох арга хэмжээ

Text: Бюро 24/7


Тавдугаар сарын 18-ний өдөр бүхэлдээ гэгээлэг үйл явдлуудаар дүүрэн болж өнгөрлөө. Эерэг, идэвхтэй амьдралыг дэлгэрүүлэх зорилготой марафон зохион байгуулагдсаны дараахан Fleur de Lys ресторанд нийгэм дэх сайн үйлсийн ажлыг улам бүр өргөжүүлэх хүсэлтэй үзэсгэлэнт эмэгтэйчүүд цугларан хүмүүнлэгийн төслүүд дээр анхаарлаа хандууллаа. "Damiani хүмүүнлэг хатагтай 2019" гэх энэхүү арга хэмжээг Италийн үнэт эдлэлийн Damiani брэнд санаачлан зохион байгуулсан ба цаашид жил бүр уламжлал болгон явуулах юм.

"Хүн бүрд, тэр дундаа ээж гэх эрхэм нэрийг зүүдэг эмэгтэй бүрд сайн сайхны төлөө өөрийн хувь нэмрийг оруулах юмсан, бусдад туслах юмсан гэсэн хүсэл байдаг. Бид олон нийтийн сүлжээнд харагдах хүмүүнлэгийн төслүүд дээр лайк дарахын оронд өөрсдөө зориг гаргаад, төсөл санаачлаад, бие биенээ дэмжээд явах хэрэгтэй. Нийтээрээ сайн сайхан энергийн давлагааг явуулцгаая. Энэ давлагааг эхлүүлэхийн тулд бид хүмүүнлэг хатагтайг шалгаруулж хэн, хаана сайхан зүйл хийж байна түүнийг дэмжихийг хүсэж байна. Мөн нөгөөтээгүүр ухаалаг эмэгтэйчүүд нэг дор цугларснаар олон хүний ухаан нэгдэж гайхамшигтай зүйлсийг бүтээнэ гэдэгт итгэлтэй байна" хэмээн Damiani брэндийн Монгол дахь салбарын ерөнхий захирал Ц.Гантуяа онцлон хэллээ.



Damiani брэнд нь дэлхий дахинаа хүмүүнлэгийн томоохон төслүүдийг хэрэгжүүлдгээрээ алдартай төдийгүй материал нийлүүлэгчдээ маш өндөр шалгуураар хянамгай сонгодог, үнэт чулууны олборлолт, үйлдвэрлэлтэд хүүхдийн хөдөлмөр ашиглахыг эсэргүүцдэг цөөн хариуцлагатай брэндүүдийн нэг юм. Мөн мэдээж тансаг зэрэглэлийн үнэт эдлэлийн салбарыг Damiani-гийн очир эрдэнэ чулуу бүхий гоёмсог эдлэлүүдгүйгээр төсөөлшгүй. Тэд үнэт эдлэлийн Оскар хэмээн нэрлэгддэг "Diamonds International Awards"-д 18 удаа ялагч болж байсан цор ганц брэнд билээ.

Арга хэмжээний үеэр дэлгэгдсэн брэндийн шинэ цуглуулгын загварууд дунд урлагийн бүтээл мэт нарийн хийцтэй, олон давхар очир эрдэнэ хэлхээнээс бүрдсэн дугуй хэлбэрийн хүзүүний зүүлт, 14 мм бүхий сувд болон очир эрдэнэ хосолсон үнэт эдлэлийн иж бүрдэл, үнэт чулуугаар бүрхэгдсэн эрвээхий хэлбэрийн бөгж зэрэг үдшийн гоёлд тохиромжтой, сүрлэг дизайнууд олон харагдлаа. Зочид үр бүтээлтэй хэлэлцүүлэг өрнүүлэхийн зэрэгцээ Damiani-гийн үнэт эдлэлтэй танилцан өөрсдийгөө ийнхүү сайхан бүхнээр хүрээлүүлж байсан юм. Харин үдшийн гол зорилго болох хүмүүнлэг хатагтайн шагналыг "Монголын Сайхан Бүсгүй 2007" уралдааны тэргүүн мисс Г.Гантуяа "Нарны Хүүхдүүд" асрамжийн төвд үзүүлсэн тсуламжынхаа хүрээнд хүртэж, оны онцлох хүмүүнлэгийн төслөөр "Miss World 2018" олон улсын тэмцээний "Үндэсний ялагч" Э.Энхриймаагийн санаачилсан "Сүрьеэгүй Монгол" төсөл шалгарлаа. Арга хэмжээний төгсгөлд мөн Damiani брэнд Монголын эмэгтэйчүүдийн Хатан Эрдэнэ холбоотой санамж бичигт гарын үсэг зурж, дараа жилийн Монголын сайхан бүсгүй шалгаруулах тэмцээний дэмжигч байгууллагаар ажиллаж, тэргүүн миссд очир эрдэнэ үнэт эдлэл гардуулан тухайн жилдээ брэндийн нүүр царайгаар сонгохоо онцолсон юм.

DAMIANI Mongolia

Утас: 77005959, Хаяг: Шангри-Ла Молл 1-р давхар

Facebook хуудсаар холбогдохыг хүсвэл энд дарна уу.

 

Сэтгэгдэл бичих