Бүү алгасаарай: Dior-ын cruise 2017 шоуны шууд дамжуулалт
Эхний эгнээнээс үзэж буй мэт
Dior брэнд шинэ аяллын цуглуулгаа Англид үзүүлэх болсноо аль гуравдугаар сард олонд мэдэгдсэн билээ. Хүн бүрийн тэсэн ядан хүлээж байсан тэрхүү Х өдөр хүртэл нэгхэн хоног үлдлээ
Орчин үеийн уншигч та магадгүй маш их завгүй, өөрийн хуваариа эртнээс төлөвлөдөг нэгэн байх. Тиймээс чухал ач холбогдолтой үйл явдлын талаар бид аль болох эртнээс мэдэгдэж, та бүхэнд цаг заваа зохицуулах боломж олгохыг хүслээ. Ердөө нэгхэн хоногийн дараа Dior брэндийн аяллын цуглуулгын загварын шоу болох гэж байна. Сануулж хэлэхэд Франц загварын ордон энэ жилийн шоугаа Английн Мальборо овогтны эзэмшил газар болох Блейнхемийн ордонд зохион байгуулахаар шийдсэн билээ.
Үйл явдал болох газрын анхны зургуудыг Dior-ын хамт олон бидэнд илгээсэн байгаа ч, илүү дэлгэрэнгүй мэдээлэл одоогоор алга.
