Бюро өдөр тутам: Өнөөдрийн онцлох үйл явдлууд
2016 оны аравдугаар сарын 28
Өнөөдөр Улаанбаатар хотод багавтар үүлтэй, өдөртөө -6, шөнөдөө - 14 хэм хүйтэн гэж Ус цаг уур, орчны судалгаа мэдээллийн хүрээлэн мэдэгдлээ. Үсээ засуулахад тохиромжгүй буюу хэрүүл тэмцэл ирнэ гэж дорнын зурхайд тэмдэглэсэн байна.
• Энэ өдөр жүжигчин Жулия Робертс, америкийн бизнес магнат Билл Гейтс, дуучин Фрэнк Оушен болон Кейтлин Женнер нар төржээ.
•Өнөөдөр Tesla Motors компани Лос-Анжелес хотын Universal Studios-д шинэ бүтээгдэхүүнээ танилцуулах болно. Тус компанийн захирал Илон Маск SolarCity компанитай хамтарч цоо шинэ төрлийн нарны зай танилцуулна гэж таамаглаж байна.
• Өчигдөр Disney кино компани хоёр шинэ киноны товыг зарлалаа. "The Incredibles 2" 2018 оны зургаадугаар сарын 15-нд нээлтээ хийхээр болсон бол "Toy Story 4" анимэйшн кино 2019 оны зургаадугаар сарын 21-нд гарна гэж мэдэгдлээ.