Дугуйчны шоорт: Бид энэ хавар юу өмсөх вэ
Спорт хэв маягтай эсвэл илүү гоёмсог стильтэй гээд олон төрлийн хувилбарууд бий
Өнгөрсөн улиралд тренд болсон дугуйчны шоорт нь энэ хавар ч моданаас гарахгүй. Тэр ч бүү хэл дизайнерууд шинэ улиралд зориулан дугуйчны шоортны загварыг шинэчилж, хэрхэн шинэлэг байдлаар загварчилж болохыг харууллаа.
Нэгдүгээрт энэ улирлын шоортууд урьд өмнөхөөсөө илүү урт буюу өвдөг давсан урттай болсон. Ийм төрлийн хувилбарыг Off-White, Fendi, Roberto Cavalli ба Chanel брэндүүд санал болгосон бөгөөд эдгээрийг oversize пиджак, жийнсэн куртка, эсвэл сул эсгүүртэй захтай цамцтай хослуулбал тохиромжтой.
Хоёрдугаарт дизайнерууд энэ улиралд дугуйчны шоортыг атлас болон хослолын материалаар урласан байгаа. Энэ хувилбар нь хэт спортлог хэв маягт дургүй, албаны дресс-код баримтлах дуртай хүмүүст гарцаагүй таалагдана. Миучча Прада ийм төрлийн "спортлог бус" дугуйчны шоортыг бэлхүүс тодотгосон, богиносгосон ханцуйтай цамцтай хослуулсан бол, Roberto Cavalli брэндийн бүтээлч захирал Пол Сурриж урт хүрэмтэй загварчилсан байлаа.
