Жулия Робертс болон Роберт Де Ниро нар “Guys Choice Awards” шагнал гардуулах ёслол дээр

Хоёр хоногийн өмнө Лос-Анжелес хотод “Guys Choice Awards” шагнал гардуулах ёслол 10 дах жилдээ амжилттай зохион байгуулагдаж өнгөрлөө

"Spike" кабелийн телевизээс зохион байгуулдаг "Guys Choice Awards" шагналыг үзэгчид болон шүтэн бишрэгчдийн санал асуулгаар шоу бизнесийн салбарын шилдгүүдийг тодруулдаг. Энэ жил арга хэмжээний зохион байгуулагчид 10 жилийн ойдоо зориулж тусгай шагналууд гардуулжээ. Тухайлбал, "Арван жилийн эмэгтэй" шагналыг Жулия Робертс, "Арван жилийн залуучууд" шагналыг Бен Аффлек ба Мэтт Дэймон нар хүртсэн бол, "Арван жилийн тамирчин"-аар Коби Брайант шалгарчээ. Түүнчлэн загвар өмсөгч Жижи Хадид "Бидний шинэ найз охин" гэсэн шагналыг авч, Анна Кендрик "Халуухан ба Хөгжилтэй" гэсэн цолтой болжээ. Харин найруулагч Мартин Скорсезегийн "Casino" кино "Guys Choice Awards"-ын цуутай бүтээлээр шалгарсан нь арга хэмжээний гол үйл явдал болов. Тус шагналыг Оскарын шагналт найруулагч өөрийн биеэр гардан авсан бөгөөд Роберт Де Ниро болон Жо Пеши зэрэг "Casino" киноны жүжигчид ч хүрэлцэн иржээ.