Зовхины арьс зөөлөн, эмзэг, амархан хуурайшдаг гээд нүүрний бусад хэсгийн арьстай харьцуулбал онцгой анхаарал шаарддаг билээ. Яагаад гэж үү? Гол шалтгаан нь тухайн хэсгийн арьсны бүтцэд оршдог юм.
- Зовхины арьс хацар хэсгийн арьстай харьцуулбал хэд дахин нимгэн. Нимгэн учраас арьсны гадаргуутай ойр байрладаг судаснууд гэрэлтэн, нүдний доод хэсэгт хар хүрээ үүсч, эргэн тойрных нь арьс амархан хуурайшдаг.
- Нүүрний энэ хэсэгт тослогийн булчирхай бага тул гидролипидийн давхарга нь нимгэн байж, арьс маш хурдан чийгшлээ алддаг.
- Энэ хэсгийн арьсан доорх эд эс маш сул бөгөөд нимгэн тул ус сайн шингээдэг. Иймээс бид нас ахихын хэрээр нүдний орчмын хавагналт гэх асуудалтай тулгардаг.
- Нүдний эргэн тойронд маш их хэмжээний мимикийн булчингууд байрладаг бөгөөд бид ч тэдгээр булчингуудыг хөмсгөө зангидаж, нүдээ онийлгох бүртээ идэвхтэй ашигладаг. Тэр ч бүү хэл бид нэг минутад ойролцоогоор 20 удаа нүдээ анивчдаг. Иймээс л ихэнх хүмүүс 30 хүрэхээсээ ч өмнө мимикийн үрчлээстэй болсон байдаг.
Blom зовхины арьс залуужуулах маск
Blom нүдний хар хүрээний эсрэг маск
Blom нүдний хавагналтын эсрэг маск