Зургаан төрлийн нүүр будалтын спонжууд

The Makeup Bullet - Finger Sponge

Хамрын хоёр тал, нүдний орчин тойрон гэх зэрэг хүрэхэд хүндрэлтэй нүүрний хэсгүүдэд зориулагдсан уг спонжыг хуруундаа хийн хэрэглэх заавартай. Хурууны спонжыг мөн нүдний харандаа ба тень уусгахад хэрэглэж болно.

Molly Cosmetics - Silisponge

Зөөлөн бөгөөд уян хатан бүтэцтэй силикон материалаар хийгдсэн энэxүү спонж нь удаан хугацаанд хэрэглэсэн нь ч элэгддэггүй давуу талтай. Түүнчлэн уг спонжид косметик бүтээгдэхүүн шингэдэггүй тул та илүүдэл хэрэглээ гаргалгүй, бүтээгдэхүүнээ гамтай хэрэглэх болно. Мөн хамгийн гол нь силикон спонжыг цэвэрлэхэд тун хялбар байдаг. Энгийн савангаар халуун усанд цэвэрлэж эсвэл чийгтэй салфеткаар арчихад л спонж тань цоо шинэ мэт болно.

Givenchy - MakeUp Blender

Хоёр талт энэ спонж нь гол хэсгээрээ гүнзгийрсэн загвартай тул та нүүр будах явцдаа гараа халтартуулахгүй юм. Бага зэрэг уртассан конус хэлбэрийн дизайн нь хамрын хоёр тал ба нүдний орчин тойрныг бүрхэхэд тусалж, харин өргөн хэсэг нь нүүрний бусад хэсгүүдийг будахад зориулагдсан байна. Түүнчлэн конусын хажуугийн хэсгүүдээр нүүрний контуринг хийж болох юм.

Real Techniques - Miracle Diamond Sponge

Алмаз эрдэнэ хэлбэрийн энэхүү спонж нь өөр дээрээ нийт 13 төрлийн, төрөл бүрийн хэмжээтэй гадаргуу агуулна. Спонжын өргөн хэсэг дух ба хацар гэх зэрэг хэсгүүдийг бүрхэхэд тохиромжтой бол, шовх үзүүрээр нь нүдний доод хэсэгт өө дарагч түрхэж, уруул, хамар ба хөмсөгний орчмын будгийг уусгаж болох юм.

RickyCare - Tulip Sponge

Солонгосчуудын санал болгож буй хамгийн сүүлийн үеийн шинэ бүтээгдэхүүн бол алтанзул цэцгийн хэлбэртэй нүүр будалтын спонж юм. Тус спонжын бүтэц маш нягт бөгөөд зузаан тул энэ нь уламжлалт бьюти-блендертэй огтхон ч адилгүй цоо шинэ бүтээгдэхүүнд тооцогддог. Энэ спонжын тусламжтайгаар суурь крем түрхэхэд хамгаас тохиромжтой байх болно.

Real Techniques - Mini Eraser Sponges

Real Techniques брэндийн бүтээгдэхүүнүүд дунд нүүр будалтад засвар хийхэд зориулагдсан жижиг хэмжээний спонжууд бий. Спонжын дугуй хэсгээр төрөл бүрийн косметик бүтээгдэхүүнийг уусгаж болох бол, хавтгай хэсгээр нь илүүдэл нүдний тень гэх мэт цэвэрлэх шаардлагатай зүйлсийг арчиж болох юм.