Хагас жилийн өмнө Carolina Herrera брэндийн шинэ бүтээлч захирлаар томилогдсон Уэс Гордон намар-өвөл 2019 улирлын хуримын цуглуулгадаа театрын гэмээр сүрлэг бөгөөд энгийн минимал стилийг хослуулахыг хичээжээ. Үүний үр дүнд тэрээр ургамлын дүрстэй хатгамлаар чимэглэгдсэн, аварга том эрвээхий зангилаа ба хуниастай 12 төрлийн даашинз урласан байлаа. Даашинз бүр нь деталь, чимэглэлээр баялаг хэдий ч, бүхэлд нь харахад маш цэмцгэр дизайнтай болжээ.