Adidas-ын Porsche Design Sport брэнд шинэ төлөөлөгчтэй боллоо

Хөл бөмбөгийн Байерн Мюнхен клубын алдарт хагас хамгаалагч брэндийн шинэ төлөөлөл болжээ

Жозе Моуриньо шиг домог болсон хөл бөмбөгчнийг ажилд авна гэдэг амаргүй ч Шаби Алонсог сонгон авч чадсан байна. Adidas-ийн Porsche Design Sport брэндийн нүүр царай болсон Алонсо брэндээс зохиох олон нийтийн бүхий л үйл ажиллагаа, зар сурталчилгааны кампанит ажилд оролцохоор болжээ.
Adidas загварын хамтын ажиллагаа, олон улсын маркетингийн дэд ерөнхийлөгч Герт-Юрген Бэнз " Загвар, тансаг машин, спорт зэрэг брэндийн мөн чанарыг Шаби Алонсо төгс илэрхийлнэ" гэж хэлсэн байна. " Тэр бол олон улсад танигдсан, дэлхийн хэмжээний тамирчин, мөн загварлаг хувцаслалтаараа алдартай учраас энэхүү хамтын ажиллагаа нь бидэнд маш том дэмжлэг, түлхэц болно" гэжээ.
Хөл бөмбөгийн талбай дээр ч бусад үед ч загварлаг од хагас хамгаалагч Алонсогийн дүр төрх брэндийн нэр хүндэд хэрхэн нөлөөлөхийг харахад сонирхолтой байх болно.