Valentino ордныг саяхнаас эхлэн бие даан удирдаж байгаа дизайнер Пьерпаоло Пиччоли өчигдөр анхны эрэгтэй загварын шоугаа танилцууллаа. Сүүлийн үеийн чиг хандлагыг англи маягийн сонгодог стильтэй хослуулсан түүний загварууд яг л орчин үеийн Шерлок Холмсд зориулагдсан мэт харагдаж байлаа.
Үндсэн элементүүд: Урт пальто, свитер цамцан дээр давхарласан хослол болон төрөл бүрийн хэмжээ, дизайнтай дөрвөлжин хээнүүд.
Үс засалт ба нүүр будалт: Загвар өмсөгчдийн нүд саравчтай малгайн цаана нуугдаж, уруул нь зөөлөн ягаан өнгөөр будагдсан байв.
Үндсэн өнгөнүүд: Гааны ногоон, улаан хүрэн, зөөлөн ягаан, бор туяанууд.
Стилистик аргачлал: Кеттэй өмссөн хослол, зөөлөн туяатай саравчтай малгай ба нөмрөг, сониноос хайчилсан үсэгнүүд.
Аксесуар: Саравчтай малгай, том хэмжээтэй савхин цүнх ба үүргэвч.
Бүтээлч санааны эх үүсвэр: Лондонгийн "дэнди" стиль, "Sherlock Holmes and Dr. Watson" кино, сонин, сэтгүүлээс түүж нийлүүлсэн гэмт хэрэгтний заналхийлсэн захидал.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт