Хэдхэн цагийн өмнө супермодель Белла Хадидын сүүлд хийлгэсэн шинэхэн шивээс хэвлэл мэдээллээр цацагдлаа. Алдартнуудын мэргэжилтэн JonBoy-ийн бүтээл болох сарнай цэцгийн дүрс нь Беллагийн жижиг шивээснүүдийн цувралыг үргэлжлүүлж байна. Сануулахад, Белла энэ оны нэгдүгээр сард хоёр хөлийнхөө шагай дээр сахиусан тэнгэрийн жижиг далавч шивүүлсэн билээ.

Белла Хадидаас гадна маш олон алдартнууд шивээсэнд дурладаг. Ерөнхийдөө шивээс хийлгэх тренд нь Холливүүдийн ачаар дэлгэрсэн гэж хэлэхэд хилсдэхгүй. Биеийнхээ хаа нэгтээ, жижиг эсвэл том хэмжээний гүн утга бүхий шивээс хийлгэсэн одод дунд Кара Делевинээс эхлээд Дэвид Бекхэм хүртэл дуусашгүй олон нэрс бий.