Уламжлал ёсны дагуу жил бүрийн өдийд Victoria's Secret загварын шоутай холбоотой дуулиан эхэлж, олны анхаарал энэхүү оны хамгийн өндөр хүлээлттэй арга хэмжээн дээр төвлөрдөг билээ. Арваннэгдүгээр сард товлогдсон байгаа загварын шоуны тодорхой огноо, байршил, оролцох уран бүтээлчид зэрэг дэлгэрэнгүй мэдээлэл хараахан гараагүй байгаа ч, тайзнаа алхах эрхээ авсан моделиудын нэрс бага багаар дэлгэгдэж байна. Ингээд олон жил дараалан оролцсон бидний сайн мэдэх сахиусан тэнгэрүүдээс хэн нь үлдэж, энэ жилийн сонгон шалгаруулалтад ямар загвар өмсөгчид тэнцэж чадсаныг хамтдаа харцгаая. Анхааруулж хэлэхэд энэ нь оролцох моделиудын бүрэн жагсаалт биш юм шүү.