Гутал бол улирал солигдох үед хамгийн түрүүнд шинэчлэгддэг хэрэглээний нэг хэсэг. Тэр дундаа сэрүүний улирал наашлахын хэрээр түрийтэй гутлын хэлбэр загварын тухай ойлголт бүсгүйчүүдийн хувьд олон янз болж ирдэг. Жилээс жилд хэлбэр загвар өөрчлөгддөг ч заримдаа тод өнгө, эсвэл ердөө түрийнийхээ хэмжээ төдийхнөөр та бидэнд шинэ мэдрэмжийг төрүүлдэг гутлын сонголтууд олон билээ. Эдгээрээс энэ намар анхаарал татаж буй нь сул түрийтэй гутал юм. Шилбэ хэсгээрээ сул, алхам тутамд үл ялиг хөдлөх нь чухамдаа энэ загварын гол онцлог.

Бариу түрийтэй гутал хөлийн хэлбэрийг тодотгодог бол эсрэгээрээ сул түрийтэй загварууд хувцаслалтыг бүхэлд нь өөрчилж чаддаг. Богино юбкатай хослуулахад урт түрий нь хөлийг урт харагдуулж, даашинзтай хослохдоо эсрэгцэл үүсгэх атлаа загварлаг төрхийг бүрдүүлж бас болдог.

Энэ улирал сонголт хийхдээ зөвхөн хар өнгөөр хязгаарлагдах шаардлагагүй. Хүрэн бор, гүн улаан эсвэл амьтны хээтэй гутал сонгох нь намрын бүүдгэр өдрүүдэд хувцаслалтад тань өнгө нэмэх ба намрын улиралд сул түрүүтэй гутлыг өдөр тутмын хувцаслалтад хэрхэн загварчилж болохыг ажицгаая.