Gucci Милан ба Нью-Йорк хотуудын барилга дээр аварга том зураг зурлаа

Gucci брэнд Их Британийн зураач Анжелика Хикстэй хамтран футболканы капсул цуглуулга гаргана. Шинэ хамтын ажиллагааг олонд зарлах зорилгоор брэнд Нью-Йорк ба Милан хотуудын барилгыг өвөрмөц шийдэлтэй ханын зургаар чимлээ. Анхны зураг Миланы Гарибальди гудамжинд үзэгдсэн бол, хоёр дахь нь Нью-Йоркийн Сохо гудамжинд байршжээ.

Хошин мэдрэмжтэй загварын зургуудаараа алдаршсан Анжелика Хикс Gucci-д зориулж нийт 11 зураг бүтээж, зураг бүрийг футболка дээр хэвлэх зөвшөөрөл өгчээ. Энэхүү капсул цуглуулга тавдугаар сарын 25-наас эхлэн брэндийн онлайн дэлгүүрээр худалдаалагдах болно.