Кейт Мосc, Трэвис Скотт нар Dazed Beauty сэтгүүлийн нүүрэнд гарлаа

Загвар өмсөгч Кейт Мосс, рэппер Трэвис Скотт нар Dazed Beauty сэтгүүлд зориулан домгийн амьтан кентаврын дүрд хувирлаа. Футурист, фантастик уур амьсгалтай зураг авалтын найруулагчаар Бен Дитто ажиллаж, CGI буюу графикийн ажлыг 3D артистууд Travis Brothers болон Дарио Альва нар хийсэн байна. "Issue Zero" хэмээн нэрлэгдсэн энэхүү сэтгүүл нь Dazed Beauty сэтгүүлийн хэвлэмэл хувилбарын анхны дугаар болон гарч буйгаараа онцлог юм.

Дашрамд дурдахад өнгөрөгч есдүгээр сард үүсгэн байгуулагдсан Dazed Beauty гоо сайхны сэтгүүл нь шинэ бүтээгдэхүүн танилцуулан арьс арчилгааны зөвлөгөө өгөхөөс илүүтэй гоо сайхны холбогдолтой сонирхолтой сэдвүүдийг хөндөж, хачин жигтэй контентуудыг бэлтгэн гаргадаг билээ.