Оливье Рустен NikeLab-д зориулж цуглуулга бүтээлээ

Кардашьян гэр бүлийн хайрт дизайнер өөрийн Instagram хуудаснаа спортын брэндтэй хамтрах болсноо мэдэгдлээ

Оливье Рустеныг загварын шүүмжлэгчид дутуу үнэлэх асуудал байдаг ч түүний хүрсэн зүйл болгон алт болон хувирдаг уламжлалтай. Тэр яг л Рианна шиг хэрэглэгчдийг татах авьяастай гэж хэлж болно. Тиймээс олон нийтийн сүлжээгээр идэвхтэй маркетинг явуулах дуртай дизайнерыг спортын томоохон брэнд Nike сонирхож, түүний тэрхүү өвөрмөц чадварыг ашиглахаар шийджээ.

NikeLab-тай хамтрах болсон тухайгаа Рустен өөрийн Instagram хуудсаараа дамжуулан олонд зарласан юм. «ARE YOU READY? #nikelab #dreamteam #champions @nikelab #getready #epic» гэсэн гарчигтай нийтлэлийн дараа интернэт сүлжээнд энэхүү цуглуулга бүтнээрээ тавигдаад байна. Цуглуулгыг харахад Оливер Рустен цулгай хар өнгийг алтлаг оруулга, зураасаар  чимж, өөрийн тансаг хэв маягийг шингээж өгчээ.