Загварын хувьсал: Натали Портман

Зургаадугаар сарын 9-нд Натали Портман 37 нас хүрлээ. Тэрээр амьдралынхаа дийлэнх үеийг жүжигчнээр ажиллан өнгөрүүлсэн бөгөөд энэ хугацаанд Люк Бессон, Жорж Лукас, Вуди Аллен, Милош Форман, Вонг Карвай, Уэс Андерсон, Терренс Малик ба Даррен Аронофски гэх зэрэг агуу найруулагчидтай хамтраад амжсан. "Léon: The Professional" кинонд Матильдагийн дүрээр нэн даруй алдарт хүрсэн Натали тухайн үед өсвөр насны охидын жинхэнэ шүтээн болж, каре тайралттай богино үс, чокер зүүлт зэргийг тренд болгож байсан юм. Хоёр жилийн өмнө Натали АНУ-ын хуучин ерөнхийлөгчийн эхнэр, загварын шүтээн Жеки Кеннедигийн дүрийг бүтээсэн бол одоо Dior брэндийн сурталчилгаануудад оролцож, буяны үйл ажиллагаанууд явуулж, хүчирхийллийн эсрэг хөдөлгөөнийг дэмжиж байгаа билээ. Ингээд өхөөрдөм Матильдагаас үзэсгэлэнт бүсгүй болон хувирсан Натали Портманы хамгийн сэтгэлд хоногшсон төрхүүдийг эргэн дурсацгаая.