Сөүл хотод намар-өвөл 2019 улирлын загварын долоо хоног албан ёсоор эхэллээ. Загварлаг хувцаслалтаараа дэлхийд алдартай Солонгос улсын иргэд мотоциклчны куртка, панама малгай, techwear буюу төрөл бүрийн тоноглол бэхэлгээтэй технологижсон хувцас, гудамжны хэв маягтай тод өнгийн загварууд зэргийг сонгодог эд зүйлстэй хослуулан этгээд төрх бүрдүүлж байна. Бюро дижитал сэтгүүл Сөүлийн загварын долоо хоногийг газар дээрээс нь сурвалжилж байгаа тул та бидний Instagram болон Facebook хуудсаар зочлон Солонгосын шилдэг дизайнеруудын шинэ цуглуулгуудтай танилцаарай.