Хуваарийн дагуу Нью-Йоркийн загварын долоо хоног есдүгээр сарын 6-14 өдрүүдэд зохиогдож байгаа бөгөөд өндөрлөхөд хоёрхон хоног үлдлээ. Ихэнх нэр хүндтэй дизайнерууд шинэ цуглуулгаа Парис хотод танилцуулахыг хүсэх болсон тул Нью-Йорк яг одоогоор хүндхэн цаг үетэй тулгараад байна. Гэхдээ street style загварын хувьд энэ хот биднийг үргэлж л өнгөлөг, зоригтой төрхүүдээрээ баярлуулдаг уламжлалтай. Дөрвөлжин хээтэй хослол, неон өнгийн нимгэн спорт куртка, өвөрмөц эсгүүртэй тренч цув, амьтдын хээтэй хувцас гээд сүүлийн үеийн бүхий л трендүүдийг эндээс харах боломжтой.