Загварын салбарт нэгэн бичигдээгүй дүрэм байдаг. Тодруулбал тодорхой нэгэн брэндийн загварын шоуг үзэх гэж байгаа бол тухайн брэндийн хувцсаар гоёдог уламжлал аль хэдийнэ тогтжээ. Энэ нь брэндэд хүндэтгэл үзүүлж буй явдал юм. Ийм ч учраас Парисын загварын долоо хоногийн хоёр дахь өдөр хуваарилагдсан Мария Грация Кьюригийн шинэ цуглуулгыг сонирхохоор ирсэн ихэнх зочид Dior-ын цүнх барьж, брэндийн өмнөх цуглуулгын загваруудаас өмссөн байлаа.