The BoF 500 Gala 2026: Загварын салбарын нөлөө бүхий эрхмүүд

Олон улсын загварын салбарын хамгийн нэр хүндтэй жагсаалтуудын нэг болох The BoF 500 энэ оны шинэ гишүүдээ хүлээн авч, Парис хотын Shangri-La зочид буудалд хүндэтгэх ёслолын хаалттай арга хэмжээг амжилттай зохион байгууллаа. The Business of Fashion-аас жил бүр эрхлэн гаргадаг тус жагсаалтад манлайлал, бүтээлч байдал, инновац болон загварын салбарт үзүүлсэн хувь нэмрээрээ үнэлэгдсэн онцгой эрхмүүдийг багтаадаг уламжлалтай билээ.

Энэ жилийн BoF 500-гийн 2026 оны гишүүд дотроос дизайнер, загвар өмсөгчид, хэвлэл мэдээлэл, урлаг соёл, хөгжмийн салбарын төлөөлөл болсон 70 гаруй үндэстний зочид нэгэн дээвэр дор цугласан нь арга хэмжээний онцлох агшин боллоо. Ёслолд хүрэлцэн ирсэн The BoF 500 гишүүн зочдоос дурдвал Энэтхэг гаралтай шинэ залуу модель Бхавита Мандава гэр бүлийн хамт, супер модель Хайди Клум болон Коко Роша, хөгжмийн салбарт өөрийн дүр төрхөөр ялгарсан дуучин Жейден Смит болон түүний хамтран ажиллаж буй брэндийн үүсгэн байгуулагч Кристиан Лубутины хамтаар, түүнчлэн стилист Лоу Роуч, дуучин Сиара, Парис Хилтон тэргүүтэй зочид энэ үдшийн онцлох зочид байлаа.

Хаалттай үдэшлэгийг Их Британийн дуучин, уран бүтээлч Жоржа Смит өөрийн ая дуугаар мэндчилж, The Business of Fashion-ий үүсгэн байгуулагч, ерөнхий редактор Имран Амед ирсэн зочдыг хүндэтгэн угтаж Парис хотод нэгэн гайхалтай үдшийг өнгөрүүллээ.

Ингээд уржигдархан буюу энэ сарын 3-ны өдөр Парис хотод зохион байгуулагдсан The BoF 500 Gala 2026-д хүрэлцэн ирсэн зочдыг танилцуулж байна.