Миланаас ирсэн шинэхэн тренд: Tie-dye эффекттэй хувцаснууд

Өчигдөр Милан хотноо загварын долоо хоног өндөрлөлөө. Харин бид дизайнеруудын эхлүүлсэн шинэ трендийг цаг алдалгүй хүргэж байна. Tie-dye аргачлалаар будагдсан футболка, даашинз, ноосон цамц зэргийг ирэх хаврын улирлыг хүлээлгүй одооноос өмсөж болно шүү.

Ерөнхийдөө 1970 ба 80-аад онууд загварын тайзнаа шинэчлэгдсэн байдлаар эргэн ирсээр байна. Үүний нэг жишээ бол Миланд үзэгдсэн энэхүү tie-dye эффекттэй хувцаснууд юм. Хиппи стилиэс үүсэлтэй уг трендийг MSGM брэнд свитер цамц ба пальтонд шингээж, No. 21 богино даашинзад уусгаж, харин Prada торгон материалтай хослуулсан байлаа.