Люрекс, сүлжмэл, дэгээ зүүгээр нэхсэн зэрэг материалтай усны хувцас нь усанд сэлэхэд тийм ч практикал биш байж болох ч эрэг дээр биеэ наранд шарах, усан бассейны дэргэдэх үдэшлэгт очих, эсвэл аагим халуун өдөр хээр газар пикник хийхэд тун тохиромжтой байж, таныг загварлаг харагдуулна.

Зарим нэг хуниастай усны хувцаснууд ретро уур амьсгал төрүүлээд зогсохгүй гоёмсог винтэж корсетуудыг санагдуулдаг. Ийм төрлийн загвар нь мөн галбир тодотгон, илүү эмэгтэйлэг харагдуулдаг давуу талтай.

Зуу гаруй жилийн өмнө гэр ахуйн хэрэглэлд ашиглагддаг байсан дөрвөлжин хээтэй давуу нь одоо томоохон дизайнеруудын шинэ цуглуулгад туфлинээс эхлээд хүрэм хүртэлх бүх загварт орж байна. Тэр дундаа ийм хээтэй усны хувцас нь 1960-аад оны Францыг санагдуулах болно.

Майка, богино футболка эсвэл цээживч загварын топтой салангид усны хувцас нь маш олон давуу талтай байдаг. Өдрийн турш жийнсэн шоорт, үдшийн цагт хөнгөн өмд болон кардигантай хослуулах боломжтой гээд өөр хувцаснуудтай хүссэнээрээ загварчилж болдог билээ.

Харахад энгийн нэгэн бикини мэт болов ч энгэр дээрх эрвээхий зангилаа нь төрхийг илүү нарийн мэдрэмжтэй, загварлаг болгож өгч байгаа юм.

Газар дундад тэнгисийн далайн эрэг дээр байгаа мэт сэтгэгдэл төрүүлэх судалтай усны хувцас нь босоо судлынхаа ачаар биеийн силуэтийг илүү нарийхан, урт болгож харагдуулдаг.