Заха Хадидын үзэсгэлэнгийн нээлт

Венец хотын яг төвд орших Палаццо Франкетти гэх газарт Berengo Foundation байгууллага домогт архитектор Заха Хадидын дурсгалд зориулсан үзэсгэлэн нээжээ

Berengo Foundation энэхүү үзэсгэлэнд зориулсан тусгай үдэшлэгийг өнгөрсөн лхагва гарагт зохион байгуулжээ. Тус сангийн үүсгэн байгуулагч, ерөнхийлөгч Адриано Беренго ирсэн зочдыг халуун дотноор угтан авч мэндчилснээр үдэшлэг эхэлжээ. Харин дараагаар нь Заха Хадидын Лондон дахь студийн түнш Патрик Шумахер ирсэн зочдод хандан үг хэлсэн байна. Үдэшлэгийн албан ёсны хэсэг өндөрлөхөд Оросын "Большой театр"-ын гоцлол бүжигчин Анна Тихомирова тайзнаа гарч ирэн гэнэтийн бэлэг барьжээ.

Харин энэ үдэш Ксения Собчак, Мария Федорова, Елена Сотникова болон бусад зочид хүрэлцэн ирсэн байна.