Жуд Лоу, Лили Роуз Депп, Мерил Стрип болон бусад жүжигчид Венецийн кино наадамд

76 дах удаагийн Венецийн кино наадмын тав дах өдөр найруулагч Стивен Содербергийн "The Laundromat", Оливье Ассаясын "Wasp Network" болон Паоло Соррентиногийн "The Young Pope" цувралын шинэ улирлыг танилцууллаа.

Шинэ бүтээлүүдийг танилцуулахаар гол дүрийн бүх жүжигчид хүрэлцэн иржээ. Жишээ нь Мерил Стрип, Гэри Олдман (The Laundromat), Пенелопа Крус, Эдгар Рамирес (Wasp Network), Жуд Лоу, Жон Малкович (The Young Pope) зэрэг "A" зэрэглэлийн жүжигчид Венецийн кино наадмын улаан хивсэн дээр харагдсан юм.

Яг энэ үеэр мөн Netflix-ийн "The King" нэртэй түүхэн киноны нээлтэд оролцохоор Лили Роуз Депп ба Тимоти Шаламе нар Италийн Лидо арал дээр хүрэлцэн ирсэн байлаа.