Instаgram-д бүтээлч стори хийхэд туслах GIF бүтээгчид

@emmadarvick

Ил захидал үйлдвэрлэгч Happy Hour & Co. компанийн үүсгэн байгуулагч Бруклинээс гаралтай уран бүтээлч Эмма Дарвик 1990-ээд оныг санагдуулам уур амьсгалтай, cool хэмээн тодотгож болохуйц GIF бүтээдэг.

@Prosadecora

Бразилаас гаралтай уран бүтээлч Малена Флорес зөөлөн ялдам өнгийн тосон харандаа, бэх, усан будаг ашиглан эмэгтэйлэг өнгө аястай GIF-үүдийг бүтээдэг. Малена Флорес бол Vogue Eyewear, Lovatts Media зэрэг хэд хэдэн алдартай компаниудад зориулан GIF бүтээж байсан туршлагатай нэгэн юм. Авокадотой салад, гуашагаа хэрэглэсэн тухайгаа сторидоо хийх гэж байвал түүний GIF-ийг ашиглаарай.

@Juliaveldmanc

Видео контент бүтээгч Жулия Велдман өөрийн дотоод ертөнц, баяр баяслыг илэрхийлсэн GIF-ийг бүтээдэг ба MTV, KWF, New York Times, School of Life зэрэг хэд хэдэн медиа бүтээгчидтэй хамтран ажилладаг. Түүний GIF-ийг феминист, аз жаргалтай өнгө аястай сторидоо ашиглаарай.

@dindapuspitasari

Жакартагаас гаралтай уран бүтээлчийн өхөөрдөм, эмэгтэйлэг өнгө аястай GIF-үүд ямар ч сторид өнгө нэмэх болно. Dior, Louis Vuitton, Fendi, Longchamp, Ted Baker, SKII, L'Occitane зэрэг брэндүүдтэй хамтран ажиллаж байсан түүний GIF-ийг #dindaps гэх хэштаг ашиглан хайж олоорой.

@pipandcricket

Урилгын загвар бүтээгч, ил захидал үйлдвэрлэгч Pip & Cricket компани усан будгаар зурсан байгалийн өнгө аястай GIF-үүдийг Giphy тавцанд байршуулдаг. Романтик уур амьсгалтай стори хийхдээ @pipandcricket GIF-үүдийг ашиглаарай.