Виртуал аялал: Дэлхийн шилдэг далайн эргүүдээр зочлоорой

Хэрэв та амрахыг хүсвэл, эсвэл дэлхийн эргэн тойронд ямар гайхалтай зүйлс байдгийг мэдмээр байгаа бол AirPano сайт руу зочилж, 360 хэмээр гайхамшгийг мэдрэх боломжтой. Энд саяхнаас дэлхийн хамгийн үзэсгэлэнт далайн эргүүдээр хийж болох виртуал аялал нэмэгдлээ

Зун дөхөж байгаа болохоор та төсөөлөлдөө ч болов далайн эргээр алхахыг хүсч байна уу? Эсвэл удахгүй авах гэж буй ээлжийн амралтаа хэрхэн өнгөрүүлэх талаар төлөвлөж, бодож байсан уу? Тэгвэл Мальдив, Рио-де-Жанейро, Доминикан, Кемер, Дубай зэрэг далайн эргээрээ алдартай, дэлхийн хамгийн түгээмэл амралтын газруудыг багтаасан виртуал аялал гараад байна. Мэдээж хэрэг AirPano-гийн бүх л виртуал аялал шиг эргэн тойрны дүр зургийг эргүүлж, тойруулан харж, сонирхол татсан зүйлсээ томруулан үзэж болно.