Мөн түүний мэдэгдэлд Marvel-ын кинонуудыг бүтээсэн найруулагчид хариу өглөө
Америкийн алдарт кино найруулагч Мартин Скорсезе Marvel студийн бүтээсэн кинонуудын талаар ямар бодолтой явдгаа Empire сэтгүүлд ярьжээ. Тэрбээр "Би үзэх гэж хичээсэн. Гэхдээ энэ кино биш. Яаж ч сайн бүтээгдсэн байсан, тухайн нөхцөл байдалд жүжигчид яаж ч сайн жүжиглэх гэж хичээсэн Marvel-ын бүтээлүүд сэдэвчилсэн парктай л дөхөж очно. Сэтгэл хөдлөл болон сэтгэл зүйн мэдрэмжээ бусдад илэрхийлдэг кино бол биш" хэмээн хэлжээ.
Тэгвэл зарим нэг кино найруулагчид Скорзезегийн мэдэгдэлд олон нийтийн сүлжээгээр дамжуулан хариу өгчээ. Жишээ нь "The Guardians of the Galaxy" киноны найруулагч Жеймс Ганн "Мартин Скорсезе бол миний хамгийн дуртай таван найруулагчийн нэг. Хүмүүс түүний бүтээсэн 'The Last Temptation of Christ' (1988) киног үзээгүй байж, эсэргүүцэн жагсаж байхыг хараад миний дургүй хүрч байсан. Харин одоо тэр өөрөө миний бүтээсэн кинонуудыг үзээгүй байж ингэж дүгнэж байгаад үнэхээр их харамсаж байна. Гэсэн хэдий ч би Скорзезег үргэлж хайрлаж, хүндэлж, түүний кино урлагийн салбарт оруулсан хувь нэмэрт нь талархах болно. Бас би түүний бүтээсэн 'The Irishman' киног үзэхийг тэсэн ядан хүлээж байна" хэмээн Twitter хуудастаа бичжээ.
Martin Scorsese is one of my 5 favorite living filmmakers. I was outraged when people picketed The Last Temptation of Christ without having seen the film. I’m saddened that he’s now judging my films in the same way. https://t.co/hzHp8x4Aj8
— James Gunn (@JamesGunn) October 4, 2019
Мөн "The Avengers" ба "Avengers: Age of Ultron" кинонуудыг бүтээсэн Жосс Уидон Скорзезегийн мэдэгдэлд "Би хамгийн түрүүнд 'Guardians of The Galaxy-д сэтгэл зүрхээ зориулсан Жеймс Ганныг л бодсон. Би Мартиныг биширдэг. Бас түүний үзэл бодлыг ойлгож байна. Гэхдээ... Би үргэлж уур уцаартай байдаг нь шалтгаантай" хэмээн хэлжээ.
“It isn’t the cinema of human beings trying to convey emotional, psychological experiences to another human being.”
— Joss Whedon (@joss) October 4, 2019
I first think of @JamesGunn, how his heart & guts are packed into GOTG. I revere Marty, & I do see his point, but...
Well there’s a reason why “I’m always angry”. https://t.co/Wh3ptU2KBp
Түүнчлэн Marvel студийн бас нэгэн супер баатрын тухай өгүүлэх "Doctor Strange" киног бүтээсэн Роберт Каргилл "Скотт Дерриксон бид хоёр 'Doctor Strange'-ыг бүтээж байхад Marvel-аас бидэнд дүрийг илүү гүн гүнзгий, зохиолыг илүү хүчирхэг, киног илүү хачирхалтай болгохыг анхааруулж байсан. Тиймээс Marvel-ыг зөвхөн сэдэвчилсэн парк хийж байна гэж бодож байгаа хэн бүхэн үнэхээр шударга бус бас увайгүй хандаж байгаа хэрэг" гэжээ.
When Scott and I were making DOCTOR STRANGE, the vast majority of Marvel's notes were about deepening character, strengthening the story, and asking us if we could "make it weirder."
— C. Robert Cargill (@Massawyrm) October 4, 2019
Anyone who thinks Marvel is only trying to make theme park rides is being unjust and cynical.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт