Ле Корбюзьегийн бүтээлүүд ЮНЕСКО-гийн дэлхийн өвийн жагсаалтанд бүртгэгдлээ

Долоон оронд буй 17-н бүтээл

ЮНЕСКО-гийн дэлхийн өвийн хорооны 40-р чуулганы үр дүнд алдарт архитектор Ле Корбюзьегийн бүтээлүүдийг дэлхийн өвийн жагсаалтанд багтаах шийдвэр гарсан байна

Швейцарь гаралтай, франц архитектор Ле Корбюзьегийн барилгууд ЮНЕСКО-гийн дэлхийн өвд багтахаар болжээ. Энэхүү жагсаалтанд орсон түүний 17 барилгаас зургаа нь Францын газар нутаг дээр оршиж байгаа бол үлдсэн нь Герман, Аргентин, Бельги, Энэтхэг, Япон, Швейцарь зэрэг орнуудад байдаг. ЮНЕСКО-гийн энэхүү шийдвэрт "Ле Корбюзьегийн бүтээлүүдэд архитектурын шинэ хэл тусгагдсан ба XX зууны асуудлуудад үр дүнтэй хариулт өгсөн" гэж тэмдэглэжээ.

Энэхүү жагсаалтанд орсон түүний бусад онцлох бүтээлүүдээс дурдвал, Токио хотын барууны урлагийн музейн барилга, Лион хотын Ла-Туретт сүм ба Штутгарт дахь Вайсенхоф орон сууцны хоёр барилга багтсан юм.

Капелла Notre Dame du Haut, Роншан (Ronchamp), Франц, 1950-1955

Мезон ля Рош (Maison La Roche) зургийн үзэсгэлэн, Парис. 1923 он

Фирмини соёлын ордон (Maison de la culture de Firminy-Vert), Франц. 1956-1965

Вилла Савой (Villa Savoye), Франц. 1928-1930

Ассамблей ордон (Palace of Assembly), Чандигарх. 1951-1962

Вилла Ла Рош/Жаннере (Villa La Roche/Villa Jeanneret, Парис. 1949

Марселийн орон сууцны барилга, Марсель, Франц. 1947-1957

Buro.Mongolia

2016-07-20, 08:00