Өчигдөр Санта-Моникад (Калифорни) 22 дах удаагийн Critics' Choice Awards шагнал гардуулах ёслол болж өнгөрлөө. Энэхүү нэр хүндтэй шагналыг уламжлал ёсоор бол "Оскар" ба "Алтан Бөмбөрцөг" наадмуудын өмнө гардуулдаг. Broadcast Film Critics холбооны гишүүдийн сонголт ихэвчлэн Кино урлаг ба шинжлэх ухааны академийн шийдвэртэй санал нийлдэг билээ. Тиймээс Critics' Choice Awards шагнал гардуулах ёслолын шийдвэрээс үндэслэж Оскарын наадмын үр дүнг дүгнэж болох юм.
Үдшийн хамгийн чухал шагнал болох "Шилдэг кино"-г "La La Land" мюзикл хүртсэн бол энэ киног бүтээсэн Дэмьен Шазелл "Шилдэг найруулагч" болжээ.
Тэгвэл Натали Портман "Jackie" киноныхоо дүрээр "Шилдэг эмэгтэй жүжигчин" шагналыг авсан байна. Жаклин Кеннедигийн намтраар сэдэвлэн бүтээсэн энэ кинонд Жон Кеннедигийн аллагын дараа түүний амьдрал хэрхэн үргэлжилсэн тухай өгүүлдэг.
Жүжигчин Кейси Аффлек "Manchester by the Sea" киноныхоо дүрээр "Шилдэг эрэгтэй жүжигчин"-ээр тодорсон юм. Энэхүү утга уянгын кинонд нэгэн сантехникч залуу ахыгаа гэнэт нас барсны дараагаар түүний хүүг асран хамгаалах хэрэг гарна.
Редакторын Сонголт
Buro 24/7-гийн сонголт