Apple компани есдүгээр сарын 10-нд шинэ загварын iPhone танилцуулна

Жил бүр зохион байгуулагддаг Apple компанийн шинэ бүтээгдэхүүний танилцуулгын арга хэмжээний тов зарлагдлаа. Тодруулбал тус арга хэмжээ 2019 оны есдүгээр сарын 10-нд буюу Улаанбаатар хотын цагаар есдүгээр сарын 11-нд шөнийн 01:00 цагт Купертино дахь Стив Жобсын нэрэмжит театраас шууд дамжуулагдах болно.

Одоогийн байдлаар тус компанийн зүгээс арга хэмжээний товоос өөр мэдээлэл албан ёсоор цацаагүй байгаа ч Bloomberg-ийн мэдээллэснээр Apple нийт гурван шинэ iPhone, шинэчлэгдсэн процессор ба камертай iPad Pro, Apple Watch, HomePod, AirPods болон хамгийн том хэмжээтэй MacBook Pro зэрэг төхөөрөмжүүдийг танилцуулах магадлалтай байна.