Өдөр богиносч, гадаа хүйтэн салхи үлээн цэвдэг зэврүүн байх намар-өвлийн улиралд гэрээс ч гарах хүсэл үгүй. Ийм үед харин тод өнгийн хувцас сэтгэл сэргээх увдистай байдгийг загварынхан маш сайн мэддэг. Та хичнээн хар хувцсанд дуртай байсан ч жижиг аксесуаруудаа тод өнгийн хувилбараар сольчход л сэтгэл санааны байдал болоод уур амьсгал тэс ондоо болж өөрчлөгдөнө гэдэгт итгээрэй. Ийм ч учраас бид энэ удаад COVID-19 дэлгэрсэн байгаа хүйтний улиралд зайлшгүй хэрэгтэй аксесуар болох бээлийг онцлон, дизайнеруудын санал болгосон хамгийн өнгөлөг загваруудыг нэгтгэн хүргэж байна. Гар ч дулаан байлгана, вирус тархахаас ч сэргийлнэ, сэтгэл ч сэргээнэ.