Скандинавын соёл, амьдрах урлаг мөн мэдээж загварын чиг хандлага сүүлийн хэдэн жилд дэлхий дахины анхаарлыг татаж байгаа. Яг одоо загварын ертөнц Дани улсын нийслэл Копенхаген хотыг анхааралтай ажиглаж байна. Учир нь 2017 оны наймдугаар сарын 8-нд Копенхаген хотод загварын долоо хоног эхэлж, дотоодын дизайнерууд хавар-зун 2018 улирлын шинэ цуглуулгаа танилцуулж байгаа билээ. Ердөө л гурав хоногийн турш үргэлжилдэг энэхүү арга хэмжээний үеэр Дани болон бусад орны бүсгүйчүүд өөрсдийн гэсэн өвөрмөц дүр төрх бүрдүүлэн загварын шоу үзэхээр хүрэлцэн иржээ.

Энэ жил Копенхаген хотын гудамжинд тод өнгө, цэцгэн хээ, төрөл бүрийн геометрийн хээтэй хувцаснууд давамгайлж байгаа нь street style дүр төрхүүдээс харагдлаа.