Архитектурын гэрэл зургийн шагналд нэр дэвшиж буй шилдэг бүтээлүүд

Architectural Photography Awards 2018

Архитектурын гэрэл зургийн хамгийн гол наадам болох Architectural Photography Awards энэ жилийн финалистуудаа зарлалаа. Уг нэр хүндтэй шагналыг "Экстерьер", "Интерьер", "Орон зайн мэдрэмж", "Ашиглалтад байгаа барилгууд" гэх үндсэн дөрвөн номинацид шалгаруулдаг бөгөөд тухайн төрөл бүрт нийт таван оролцогч нэр дэвшдэг байна. Сонирхуулахад энэхүү шагнал гардуулах ёслолыг анх 2012 онд Дэлхийн архитектурын наадмын нэгэн хэсэг болгон үүсгэж байжээ.

Ялагчдыг ирэх арваннэгдүгээр сарын 30-нд шалгаруулах ба тэд шагналын сан болох 3,000 ам.долларыг тус, тус хүртэх юм. Харин албан ёсны шагнал гардуулах ёслол Амстердам хотод болох Дэлхийн архитектурын наадмын үеэр зохион байгуулагдана. Үүнээс өмнө сүүлийн шатанд шалгараад байгаа шилдэг бүтээлүүдийг харцгаая.