Үснийхээ дээд хэсгийг хойш нь хавчих

Буржгар үсийг цэгцтэй харагдуулах хамгийн энгийн арга бол дээд хэсгийг нь хойш нь хавчих. Ийм төрлийн засалтыг хийхэд тун хялбар төдийгүй, хэрэг болох цорын ганц хэрэгсэл нь энгийн хавчаар эсвэл үсний боолт юм.

Хавчаарын ачаар 1940-өөд оны төрх бүрдүүлэх

Хэтэрхий хөвсгөр буржгар үсийг уг хэсгээр нь индүүний тусламжтайгаар шулуун болгож, хавчаараар тогтоож болно. Ингэснээр та 1940-өөд оны ретро төрх бүрдүүлэх болно. Харин үсний доод хэсгийг хэлбэржүүлэгч спрей цацсанаар бага зэрэг замбараагүй болгох хэрэгтэй.

Үсний даруулга ашиглах

Энэхүү засалтыг үсний даруулга, уяа эсвэл бандана алчуурын ачаар хийж болно. Chanel-ын аяллын загварын шоу дээр үзэгдсэн гялалзсан чимэглэлтэй үсний даруулга таны төрхийг илүү өвөрмөц болгоно шүү.

Дээш нь шуух

Үсээ замбараагүй байдлаар дээш нь шуухад үл үзэгдэгч хавчаар ба хэлбэржүүлэгч спрей байхад л хангалттай. Шулуун үстэй харьцуулбал буржгар үсээр ийм засалт хийхэд илүү сонирхолтой харагддаг. Энэ засалтыг хийхдээ мөн үснийхээ урд хэсгийг унжуулж, аль болох хичээл зүтгэл гаргаагүй мэт төрх бүрдүүлээрэй.