Рэппер Snoop Dogg 2016 оноос эхлэн Америкийн бизнес эрхлэгч, телевизийн жүжигчин Марта Стюарттай хамтран "Martha & Snoop's Potluck Dinner Party" нэртэй хоолны тухай шоугаа хийж эхэлсэн билээ. Америкийн VH1 сувгаар цацагдсан уг шоу чамгүй амжилт үзүүлж Эмми шагнал гардуулах ёслолд нэр дэвшсэнээс гадна Snoop Dogg хоолны урлагт авьяастай нэгэн болохоо баталсан юм.

Тэгвэл Snoop Dogg чадварлаг тогооч болохоо ахин харуулж "From Crook to Cook: Platinum Recipes From Tha Boss Dogg's Kitchen" нэртэй хоолны ном гаргалаа. Уг номонд болоньезе хачиртай талх, филе-миньон, термидор хавч болон зайрмагтай брауни зэрэг хоолнууд болон амттаны 50 гаруй жор багтжээ. Уг номыг 14 ам.доллараар Amazon.com дээрээс худалдан авах боломжтой юм.