MTV хөгжмийн сувгаас зохион байгуулдаг Video Music Awards наадам ёслол төгөлдөр эхэлж дуу хөгжим, энтертайнментын салбарын шилдгүүд Нью-Йорк хотын UBS Arena-д хуран цуглараад байна. Энэхүү арга хэмжээнд дуучин Тейлор Свифт оролцоогүй аж. Харин дуучин Лэди Гага тус арга хэмжээний улаан хивсэн дээр эргэн ирж, гоёмсог төрхөөрөө олны анхаарлыг татаж чадлаа. 

Энэ жилийн улаан хивсний ёслолд тунгалаг болон торон материалтай, биеийн хэсгийг ил гаргасан даашинзнууд давамгайлж байв. Тухайлбал, Сабрина Карпентер Valentino брэндийн улаан торон даашинзаар дэгжин атлаа зоримог төрхийг бүрдүүлсэн бол Ариана Гранде Fendi ордны 1980-аад оны ретро хэв маягтай бөмбөлгөн хээтэй даашинз, Swarovski брэндийн аксесуар бүхий төрхөөр олны нүдийг булаав. Харин Лэди Гага Marc Jacobs-ийн готик хэв маягийн тас хар даашинзаар улаан хивсийг эзэгнэсэн нь түүний дахин эргэн ирэлтийн бэлгэдэл болж чадсан юм.

Ингээд MTV Video Music Awards 2025 наадмын улаан хивсний шилдэг төрхүүдтэй танилцъя.