Манан дунд: Giorgio Armani-гийн шинэ сурталчилгааны гол дүрд Виттория Черетти

Giorgio Armani намар-өвөл сурталчилгааны нууцлаг бүсгүйн дүрд италийн залуу загвар өмсөгч Виттория Черетти тоглолоо

Доменико Дольче болон Стефано Габбана нарын дурласан италийн загвар өмсөгч Виттория Черетти нь Giorgio Armani-гийн шинэ сурталчилгааны нүүр царай болжээ. Зураг авалтыг Норвегийн зурагчин Сольве Сундсбо хариуцаж ажилласан байна.

Манан дунд живсэн ой мэт санагдах утаатай орчинд авсан энэхүү зураг авалтад Виттория яг л сонгодог киноны нууцлаг бүсгүй шиг харагдана. Харанхуй дунд зөвхөн түүний царай болон smoky өнгөнүүдтэй хослол, намирсан даашинз уруу гэрэл тусаж анхаарал татах болно.