Яг одоо өмсөж эхлэх 5 хээ: Ханын цаас болон ширээний бүтээлэг мэт загварууд
Бүх зүйл тэртээх XVII зуунд Хятадын шаазан эдлэл Европын зах зээлд нэвтрэн язгууртнуудыг байлдан дагуулснаар эхэлсэн юм. Тэр үеэс л дэлхий даяар дорнын урлагийг хуулбарлах болж, хувцас загварт ч бас чухал байр суурь эзэлж эхэлсэн байдаг. Харин өнөөдөр ханын цаас, ширээний бүтээлэг болон шаазан эдлэл дээрх баялаг хээ, угалзнууд нь Simone Rocha, Loewe ба Emilia Wickstead брэндүүдийн цуглуулгад үзэгдэж, улирлын гол трендүүдийн нэгээр нэрлэгдэж байна.
Хамгийн анх амны алчуур, хормогч зэргийг чимэглэдэг байсан хоёр өнгө бүхий дөрвөлжин хээ нь цаг хугацааны эрхээр Брижит Бардогийн хуримын даашинз, Аззедин Алайагийн кутюр загвар, Рей Кавакубо ба Миучча Прада нарын цуглуулгад нэвтрэн, хувцас загварын цоо шинэ давлагааг үүсгэсэн юм. Харин хавар-зун 2020 улиралд Rokh, Paco Rabanne ба Michael Kors брэндүүд харандаа хэлбэрийн юбка, пальто, хослол зэргийг тренд болгосон байгаа.
Пейсли нь маш баялаг түүхтэй, эртний хээнүүдийн нэг хэдий ч орчин үед бараг л бүх брэндийн цуглуулгад үргэлж харагдаж байдаг. Жишээ нь энэ удаад Christopher Kane богино даашинз, Paco Rabanne хослол, Saint Laurent ба Isabel Marant 70-аад оны хэв маягтай өвдөг давсан даашинзыг танилцуулсан байгаа.
Бүх цаг үед загварлаг хэвээр байдаг цэцгэн хээнээс гадна энэ улиралд навч, мөчир, ургамлын хээтэй загварууд шинэ цуглуулгуудад ноёрхож эхэллээ. Acne Studios, Christopher Kane, Balenciaga, Dior брэндүүдээс шилдэг хувилбаруудыг олоорой.
Marc Jacobs, Dries van Noten ба Coach 1941 зэрэг тансаг зэрэглэлийн брэндүүдээс гадна Zara, Mango гэх масс брэндүүд бүгд хар-цагаан өнгийн бөмбөлгөн хээтэй загваруудыг гаргаж байна.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт