Хаврын дулаан нартай өдрүүд эхэлсэн тул хувцасны шүүгээгээ цайвар өнгөтэй загваруудаар баяжуулж, энгийн жийнсэн өмдний оронд цагаан өнгөтэй хувилбарыг сонгоцгооё.

I

Цайвар өнгийн өмд болон цамц сонгох үед төрх хэтэрхий цулгуй болсон мэт санагдаж болзошгүй тул хар лофер ба цув хослуулан өнгө нэмэх нь маш цэмцгэр сонголт байх болно.

1. Давхар энгэртэй ноосон пальто, 2. Тэгш бус эсгүүртэй кардиган, 3. Хамба хилэн материалтай цайвар бор цүнх, 4. Шулуун эсгүүртэй жийнсэн өмд, 5. Матрын арьсан хээтэй лофер

II

Дулаан болон хүйтэн туяанууд дээр суурилсан Скандинав стилийн төрх. Хаки шар өнгийн дулаан туяа болон саарал өнгийн хүйтэн туяа хоорондоо маш гоёмсгоор зохицдог. Мөн өмдтэйгөө ижил өнгийн гутал сонгох нь хөлийг илүү урт харагдуулах давуу талтай.

1. Даавуун цув, 2. Ноолууран цамц, 3. Гурван өөр өнгө агуулах гар цүнх, 4. Шулуун богино эсгүүртэй жийнсэн өмд, 5. Сүүн цагаан өнгийн түрийтэй гутал

III

Саарал цамц, хар куртка болон хөлд эвтэйхэн кет хослуулснаар төгс өнгөний уусгалтай өдөр тутмын тав тухтай төрх бий болно.

1. Хатуу даавуун материалтай богино куртка, 2. Дугуй энгэртэй ноосон цамц, 3. Урт оосортой жижиг гар цүнх, 4. Өргөн эсгүүртэй жийнсэн өмд, 5. Цагаан кет