Цагаан ордны сэтгүүлчдийн холбооны хүндэтгэлийн зоогт ирсэн зочид

Вашингтонд жил бүр зохиогддог Цагаан ордны сэтгүүлчдийн холбооны хүндэтгэлийн зоог ѳнгѳрсѳн бямба гарагт болж өнгөрлѳѳ. Уг арга хэмжээнд АНУ-ын олны танил сэтгүүлчид, кино болон шоу бизнесийн одууд иржээ

Энэ жилийн хүлээн авалтанд Барак Обама АНУ-ын ерөнхийлөгчийн хувиар сүүлийн удаа оролцож байгаа гэдгийг онцлох хэрэгтэй. Ерѳнхийлѳгч Обама хүлээн авалтын үеэр танилцуулсан илтгэлдээ Дональд Трамп болон Хилари Клинтон нарын талаар хошигноод авчээ. Харин Дональд Трамп хүлээн авалтанд ирээгүй тул, ерөнхийлөгчийн хошин занг үнэлж чадаагүй юм. "Онц сурлагатнуудын тѳгсѳлтийн үдэшлэг" хэмээн яригддаг энэхүү оройн зоогт Адриана Лима, Эмма Уотсон, Жаред Лето, Хелен Миррен, Карли Клосс болон Уилл Смит нар уригджээ. Зочид хүндэтгэлийн зоогны дараа Франц улсын элчин сайдын ордонд болсон Vanity Fair сэтгүүлийн үдэшлэгт очсон юм.